Се чекаше ред, се бараше кревет повеќе за дарување на драгоцената течност на вчерашната крводарителска акција, која традиционално во организација на Црвен крст Охрид, на 8 и 9 август се одржува на Плаошник. Хуманоста на охриѓани, но и на многу гости од други градови во Македонија предизвика полни раце работа за трансфузиолошките екипи, кои вчера од 18-24 часот наполнија 126 кеси со дарувана крв.
Акцијата продолжи и денес, каде на платото пред црквата Св.Климент на Плаошник, од 9-14 часот хуманите крводарители даруваа крв и учествуваа во поставување на нов рекорд на собрани 154 единици крв на крводарителската акција на Плаошник, и соборување на стариот кој изнесуваше 132 единици крв.
Црвениот крст изразува благодарност до дарителите за нивната хуманост како и до екипите на трансфузиолошките служби од Охрид, Струга и Битола.
Следната крводарителска акција која ќе ја организира Црвениот крст во соработка со Општина Охрид ќе биде на 14 септември 2013 година.
